(ហូនៀរ៉ា, សូឡូម៉ុន)៖ តាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃអង្គារ ទី២២ ខែវិច្ឆិកា ឆ្នាំ២០២២ បានបញ្ជាក់ថា វិទ្យាស្ថានផ្នែកភូមិវិទ្យាអាមេរិក USGS នៅថ្ងៃអង្គារនេះបានឱ្យ ដឹងថាគ្រោះរញ្ជួយដីកម្រិត ៧.០រ៉ិចទ័រ បានវាយប្រហារលើប្រទេសដែនកោះ សូឡូម៉ុន ដោយជំរុញ ឱ្យមានការប្រកាសអាសន្នពីរលកយក្សស៊ូណាមិ។
ការប្រកាសអាសន្នពីរលកយក្សស៊ូណាមិ ត្រូវបានធ្វើឡើងនៅក្នុងតំបន់មួយនៃឆ្នេរប្រទេសសូឡូម៉ុន នៅក្នុងបរិវេណ ៣០០គីឡូម៉ែត្រ នៃចំណុចកណ្ដាលរបស់គ្រោះ រញ្ជួយដីនេះ។ ដោយឡែក បើ តាមក USGS គ្រោះរញ្ជួយដីខាងលើមានជម្រៅរញ្ជួយទៅក្នុងដី ១០គីឡូម៉ែត្រ និងបានវាយ ប្រហារលើតំបន់ ម៉ាឡាំងហ្គូ (Malango) របស់សូឡូម៉ុន។
USGS កាលពីដំបូងឡើយបានរាយការណ៍ថាគ្រោះរញ្ជួយដីកម្រិត ៧.៣រ៉ិចទ័រ បានវាយប្រហារលើ សូឡូម៉ុន តែក្រោយមកបានបន្ថយកម្រិតរំញ័រមក នៅត្រឹម ៧.០រ៉ិចទ័រវិញ៕
