(កៀវ)៖ រដ្ឋមន្ត្រីការពារជាតិអ៊ុយក្រែន លោក Oleksiy Reznikov បាននិយាយនៅថ្ងៃពុធនេះថា លោកមានទំនុកចិត្តយ៉ាងមុតមាំថា បណ្តាប្រទេសលោកខាងលិចនឹងផ្គត់ផ្គង់យន្តហោះចម្បាំងទៅ ទីក្រុងកៀវ ដើម្បីជួយប្រយុទ្ធប្រឆាំងនឹងការឈ្លានពានរបស់រុស្ស៊ី ទោះបីមានអ្នកខ្លះមិនទាន់ក្តៅ ចំពោះគំនិតនេះក៏ដោយ។ នៅថ្ងៃពុធ ទី១៥ ខែកុម្ភៈ ឆ្នាំ២០២៣។
នៅក្នុងបទសម្ភាសន៍ជាមួយ Reuters នៅទីក្រុងប្រ៊ុចសែល លោក Reznikov បានកត់សម្គាល់ថា សម្ព័ន្ធមិត្តរបស់អ៊ុយក្រែននៅទីបំផុត បានផ្តល់ប្រព័ន្ធអាវុធលោកខាងលិចជាច្រើន បន្ទាប់ពីបាន និយាយដំបូងថាពួកគេនឹងមិនធ្វើដូច្នេះទេ។ លោកបានថ្លែងថា «ការមិនអាចទៅរួច បានក្លាយទៅ ជាអាចទៅរួចហើយ»។
លោកបានបន្តថា យន្តហោះចម្បាំងត្រូវបានគេត្រូវការជាផ្នែកមួយ នៃប្រព័ន្ធការពារដែនអាកាសដ៏ ទូលំទូលាយដើម្បីការពារអ៊ុយក្រែនពីការវាយប្រហាររបស់រុស្ស៊ី។
ក្នុងប៉ុន្មានសប្តាហ៍ថ្មីៗនេះ ប្រធានាធិបតីអាមេរិក លោក Joe Biden បាននិយាយថា ក្រុងវ៉ាស៊ីន តោននឹងមិនផ្តល់យន្តហោះ F-16 ដល់អ៊ុយក្រែនទេ ហើយអធិការបតីអាល្លឺម៉ង់ Olaf Scholz ក៏បានច្រានចោលការបញ្ជូនយន្តហោះចម្បាំងដែរ។
ប្រទេសផ្សេងទៀតដូចជាប៉ូឡូញបានបង្ហាញថា ពួកគេបើកចំហចំពោះគំនិតនេះ ប៉ុន្តែនឹងធ្វើសកម្ម ភាពដោយការគាំទ្ររបស់លោកខាងលិចប៉ុណ្ណោះ។ អង់គ្លេសបាននិយាយថា ខ្លួននឹងផ្តល់ការ បណ្តុះបណ្តាលសម្រាប់អ្នកបើកយន្តហោះចម្បាំងអ៊ុយក្រែន ប៉ុន្តែមិនទាន់សម្រេចចិត្តថា តើត្រូវផ្តល់ យន្តហោះដល់ពួកគេឬអត់៕
