ខេត្តព្រះសីហនុ៖ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ បានចេញសេចក្តីជូនដំណឹងជាផ្លូវការ ស្តីពីការអញ្ជើញចូលរួមពិគ្រោះថ្លៃ ដើម្បីផ្គត់ផ្គង់សម្ភារការិយាល័យ សម្រាប់បម្រើការងារនៅក្នុងអង្គភាព ប្រចាំឆ្នាំថវិកា២០២៦។
យោងតាមសេចក្តីជូនដំណឹងដែលចុះហត្ថលេខាដោយ លោក ចេង ស្រ៊ុង ប្រធានមន្ទីររៀបចំដែនដីខេត្តព្រះសីហនុ និងជាប្រធានក្រុមលទ្ធកម្ម បានឱ្យដឹងថា៖ ការដាក់ឱ្យដេញថ្លៃនេះ បើកចំហសម្រាប់បណ្តាក្រុមហ៊ុន ឬសហគ្រាស (រួមទាំងសហគ្រាសឯកបុគ្គល) ទាំងអស់ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា។
ព័ត៌មានលម្អិតនៃដំណើរការដេញថ្លៃ៖
ទីតាំងលក់ឯកសារ៖ បណ្តាក្រុមហ៊ុន/សហគ្រាស អាចស្វែងរកទិញឯកសារពិគ្រោះថ្លៃបាននៅ ក្រុមលទ្ធកម្ម នៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ដែលមានអាសយដ្ឋានស្ថិតនៅ ភូមិ១ សង្កាត់៣ ក្រុងព្រះសីហនុ ខេត្តព្រះសីហនុ។
កាលបរិច្ឆេទចាប់ផ្ដើម៖ ឯកសារចាប់ផ្តើមដាក់លក់ចាប់ពីថ្ងៃទី០៦ ខែ ឧសភា ឆ្នាំ២០២៦ នេះតទៅ រៀងរាល់ម៉ោងធ្វើការ។
កាលបរិច្ឆេទឈប់ទទួល និងបើកសំណើរ៖ការឈប់ទទួលសំណើពិគ្រោះថ្លៃ និងការបើកសំណើនឹងប្រព្រឹត្តទៅនៅវេលាម៉ោង ១០:០០ នាទីព្រឹក ថ្ងៃទី២១ ខែឧសភា ឆ្នាំ២០២៦។
លក្ខខណ្ឌផ្សេងៗ៖
រដ្ឋបាលមន្ទីរបានបញ្ជាក់ថា ចំពោះក្រុមហ៊ុន ឬសហគ្រាសដែលមានសម្ព័ន្ធភាពជាមួយគ្នា ឬមានប្រភពតែមួយ គឺអនុញ្ញាតឱ្យដាក់សំណើពិគ្រោះថ្លៃបានតែមួយគត់ ដើម្បីធានានូវតម្លាភាព និងការប្រកួតប្រជែងដោយស្មើភាព។
សម្រាប់ព័ត៌មានបន្ថែម បណ្តាក្រុមហ៊ុនអាចទំនាក់ទំនងផ្ទាល់ទៅកាន់លេខទូរស័ព្ទ៖ ០៣៤ ៩៣៣ ៨៦៤។
ការប្រកាសនេះឆ្លុះបញ្ចាំងពីការអនុវត្តការងារតាមគោលការណ៍លទ្ធកម្មសាធារណៈរបស់រដ្ឋបាលខេត្តព្រះសីហនុ ដើម្បីធានាបាននូវប្រសិទ្ធភាពក្នុងការគ្រប់គ្រង និងប្រើប្រាស់កញ្ចប់ថវិការដ្ឋសម្រាប់កិច្ចការរដ្ឋបាលប្រចាំឆ្នាំ៕
