(វ៉ាស៊ីនតោន)៖ តាមការចេញផ្សាយដោយសារព័ត៌មាន CNN នៅថ្ងៃពុធ ទី២ ខែធ្នូ ឆ្នាំ២០២២ គឺអោយដឹងថាប្រធានាធិបតីអាមេរិក លោក ចូ បៃដិន បានអះអាងឡើងវិញថាសហរដ្ឋអាមេរិកនឹង មិនបញ្ជូនកងទ័ពឱ្យជួយអ៊ុយក្រែន ដើម្បីប្រយុទ្ធតតាំងដោយផ្ទាល់ជាមួយកងទ័ពរុស្ស៊ីនោះទេ ខណៈ សរសើរចំណាត់ការលោកខាងលិចថាកំពុងធ្វើឱ្យលោក ពូទីន ឯកោ ជាងពេលណាៗទាំងអស់។ ថ្លែងក្នុងសុន្ទរកថាស្ដីពីស្ថានភាពសហព័ន្ធ ទៅកាន់សមាជិកសភានៃសម័យប្រជុំរួមសភាទាំង២ របស់សហរដ្ឋអាមេរិកនៅយប់ថ្ងៃអង្គារ សប្ដាហ៍នេះ (ម៉ោងនៅវ៉ាស៊ីនតោន) លោក បៃដិន បាន បញ្ជាក់ដូច្នេះថា «ខ្ញុំចង់បញ្ជាក់ឱ្យច្បាស់ឡើងវិញថាកងទ័ពរបស់យើងមិនបាន ហើយក៏នឹងមិនចូល រួមក្នុងជម្លោះដោយផ្ទាល់ជាមួយកងទ័ពរុស្ស៊ី នៅក្នុងប្រទេសអ៊ុយក្រែនទេ»។
លោកបន្ថែមថាសហរដ្ឋអាមេរិកបញ្ជូន កងទ័ពទៅកាន់តំបន់អឺរ៉ុប មិនមែនឱ្យទៅប្រយុទ្ធនៅអ៊ុយ ក្រែនឡើង តែដើម្បីការពារសម្ពន្ធមិត្ត NATO នៅក្នុងករណីលោក ពូទីនសម្រេចចិត្តបញ្ជូនកងទ័ព ឆ្ពោះទៅកាន់ភាគខាងលិច។ ដោយឡែក សម្រាប់អ៊ុយក្រែន លោកប្រធានាធិបតីរូបនេះ ថាសហរដ្ឋ អាមេរិកនឹងបញ្ជូនជំនួយ ១ពាន់លានដុល្លារ ដែលរួមបញ្ចូលទាំងជំនួយសេដ្ឋកិច្ច, យោធា និងមនុស្ស ធម៌៕
