ខេត្តព្រះវិហារ ៖ ក្នុងគោលបំណងបន្តពង្រឹងសន្តិសុខ មូលដ្ឋាន ការរក្សាសណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋនៅទូទាំងខេត្តព្រះវិហារ អធិការដ្ឋាននគរបាលស្រុកគូលែន បានរៀបចំពិធីប្រជុំបូកសរុបការងារប្រចាំខែ កាលពីព្រឹកថ្ងៃទី២៨ ខែសីហា ឆ្នាំ២០២៦។
កិច្ចប្រជុំកម្រិតខ្ពស់នេះ បានប្រព្រឹត្តទៅក្រោមអធិបតីភាព លោក វរសេនីយ៍ទោ ឈឿន សំណាំ អធិការនៃអធិការដ្ឋាននគរបាលស្រុកគូលែន ដោយមានការចូលរួមពីមន្ត្រីនគរបាលជាន់ខ្ពស់ក្នុងតំបន់ រួមមាន លោក-លោកស្រីអធិការរង លោកមេប៉ុស្តិ៍នគរបាលរដ្ឋបាលឃុំ និងកងកម្លាំងចំណុះទាំងអស់ដែលប្រតិបត្តិការនៅទូទាំងស្រុក។
គោលបំណងចម្បងនៃកិច្ចប្រជុំនេះ គឺដើម្បីវាយតម្លៃលើលទ្ធផលប្រតិបត្តិការ យុទ្ធសាស្ត្របង្ការបទល្មើស និងការអនុវត្តការងាររក្សាសណ្តាប់ធ្នាប់សាធារណៈដែលសម្រេចបានក្នុងខែសីហា ឆ្នាំ២០២៦ ព្រមទាំងកំណត់ទិសដៅយុទ្ធសាស្ត្រសម្រាប់ការងារក្នុងខែកញ្ញា ឆ្នាំ២០២៦ ខាងមុខ។
ការវាយតម្លៃលទ្ធផលសន្តិសុខប្រចាំខែសីហា ការពិនិត្យឡើងវិញលើលទ្ធផលនៃការអនុវត្តច្បាប់ ការរៀបចំសណ្តាប់ធ្នាប់ចរាចរណ៍ និងសូចនាករនៃការបង្ក្រាបបទល្មើសនៅតាមបណ្តាឃុំនានា។
ការរៀបចំផែនការសកម្មភាពជាក់លាក់ ដើម្បីពង្រឹងសមត្ថភាពឆ្លើយតបរហ័ស ការគ្រប់គ្រងរដ្ឋបាល និងការងារនគរបាលសហគមន៍។
ការពង្រឹងសណ្តាប់ធ្នាប់សាធារណៈ និងសុវត្ថិភាពសហគមន៍៖ការពង្រឹងវិធានការស្របតាមក្របខ័ណ្ឌសុវត្ថិភាពជាតិ ដើម្បីការពារសុវត្ថិភាពជូនប្រជាពលរដ្ឋ មូលដ្ឋាន គាំទ្រស្ថិរភាពជនបទ និងធានាសន្តិសុខបន្តបន្ទាប់នៅក្នុងស្រុកគូលែន។
នៅក្នុងឱកាសនោះ លោក វរសេនីយ៍ទោ ឈឿន សំណាំ បានដាស់តឿនដល់លោកមេប៉ុស្តិ៍ និងកងកម្លាំងចំណុះទាំងអស់ ឱ្យបន្តរក្សាបទដ្ឋានវិជ្ជាជីវៈខ្ពស់ ពង្រឹងកិច្ចសហប្រតិបត្តិការជិតស្និទ្ធជាមួយសហគមន៍មូលដ្ឋាន និងខិតខំបំពេញភារកិច្ចដោយស្មារតីទទួលខុសត្រូវខ្ពស់ ក្នុងការការពារសុវត្ថិភាព និងសុខុមាលភាពជូនប្រជាពលរដ្ឋ៕ដោយ សួន ពិសិត
