តាមទីភ្នាក់ងារសារព័ត៌មាន RIA ថា រុស្ស៊ី គ្មានគម្រោង បិទស្ថានទូតរបស់ខ្លួន ក្នុងតំបន់អឺរ៉ុប ឡើយ

 (មូស្គូ)៖  យោងតាមការចុះផ្សាយរបស់ទីភ្នាក់ងារសារព័ត៌មាន Reuters នៅថ្ងៃអង្គារ ទី១០ ខែ ឧសភា ឆ្នាំ២០២២ អោយដឹងថា អនុរដ្ឋមន្រ្តីការបរទេសរុស្ស៉ី លោក អាឡិចសាន់ដឺ គ្រូសកូ (Alexander Grushko) បាននិយាយនៅថ្ងៃអង្គារនេះថា រុស្ស៉ីមិនមានគម្រោង បិទស្ថានទូតរបស់ ខ្លួន នៅក្នុងតំបន់អឺរ៉ុប ដើម្បីឆ្លើយតបទៅនឹងវិធានការអមិត្តពីសំណាក់បណ្ដាលោកខាងលិច រួមទាំង ការបង្កើនការដាក់ទណ្ឌកម្មប្រឆាំង នឹងមូស្គូនោះទេ។

តាមរយៈការស្រង់សម្ដីដោយទីភ្នាក់ងារសារព័ត៌មានរុស្ស៉ី RIA លោក គ្រូសកូ បានបញ្ជាក់យ៉ាង ខ្លីដូច្នេះថា «វាមិនមែនជាប្រពៃណីរបស់យើងទេ ហើយយើង ជឿជាក់ថាការងារនៃការិយាល័យ តំណាងការទូត គឺពិតជាមានសារៈសំខាន់»៕