(អាថែន)៖ យោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី៩ ខែមិថុនា ឆ្នាំ២០២២ គឺតុលាការនៅក្នុងប្រទេសក្រិក នៅថ្ងៃពុធសប្តាហ៍នេះ បានលុបចោលសាល ក្រមសម្រេចកាលពីមុនរបស់ខ្លួន ដែលអនុញ្ញាតឲ្យសហរដ្ឋអាមេរិក អាចរឹបអូសកប៉ាល់ដឹកប្រេង របស់អ៊ីរ៉ង់ នៅក្នុងដែនទឹករបស់ក្រិក។
ជុំវិញការរឹបអូសកប៉ាល់ខាងលើ អ៊ីរ៉ង់បានប្តឹងឧទ្ធរណ៍ចំពោះសេចក្តីសម្រេចរបស់តុលាការក្រិក និង បានចាត់វិធានការឆ្លើយតបកាលពីខែឧសភា តាមរយៈ ការរឹបអូសកប៉ាល់ដឹកប្រេង២ គ្រឿងរបស់ ក្រិក នៅក្នុងតំបន់ឈូងសមុទ្រពែក្ស។ តែទោះយ៉ាងណា វាមិនទាន់ច្បាស់ទេថាតើរដ្ឋាភិបាលសហ រដ្ឋអាមេរិក ឬក្រិក នឹងជំទាស់ទៅនឹងសេចក្តីសម្រេចនេះឬក៏យ៉ាងណា។ ដោយឡែក លទ្ធផលនៃ បណ្ដឹងតវ៉ាក៏មិនទាន់ត្រូវបានផ្សព្វផ្សាយជាសាធារណៈនៅឡើយ ដែរ។
គួរបញ្ជាក់ថា សហរដ្ឋអាមេរិក បានរឹបអូសទំនិញមួយផ្នែកពីកប៉ាល់ដឹកប្រេងរបស់អ៊ីរ៉ង់ រួចផ្ទេរទៅ កប៉ាល់មួយផ្សេងទៀត កាលពីខែឧសភា តាមសេចក្តីសម្រេចដំបូងរបស់តុលាការក្រិក៕
