(បាកដាដ)៖ យោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃពុធ ទី១ ខែមីនា ឆ្នាំ២០២៣ បានអោយដឹងថា ប្រមុខអង្គការសហប្រជាជាតិ (UN) លោក អាន់តូនីញ៉ូ ហ្គូតឺរ៉េស (Antonio Guterres) បានទៅដល់ប្រទេសអ៉ីរ៉ាក់នៅថ្ងៃអង្គារសប្តា៍នេះ ដែលជាដំណើរទស្សនកិច្ចលើកដំបូងក្នុងរយៈពេល៦ឆ្នាំមកនេះ ដើម្បីបង្ហាញពី «សាមគ្គីភាព» បន្ទាប់បពីមានវិបត្តិនយោ បាយក្នុងប្រទេស។
លោក ហ្គូតឺរ៉េស បាននិយាយថា លោកចង់បង្ហាញពីសាមគ្គីភាពជាមួយប្រជាជន និងស្ថាប័ន ប្រជាធិបតេយ្យនៃប្រទេសអ៉ីរ៉ាក់ រួមទាំងសាមគ្គីភាព ដែលគូសបញ្ជាក់ពីការប្តេជ្ញាចិត្តទាំងស្រុង របស់ UN ក្នុងការគាំទ្រការបង្រួបបង្រួមនៃគ្រប់ភាគីពាក់ព័ន្ធក្នុងប្រទេសអ៉ីរ៉ាក់។ លោក ហ្គូតឺរ៉េស បាន បន្ថែមថា លោកក៏ចង់បង្ហាញពីទំនុកចិត្តរបស់លោកលើប្រជាជនអ៉ីរ៉ាក់ថា នឹងអាចយកឈ្នះលើ ការលំបាក រួមទាំងបញ្ហាប្រឈមដែលពួកគេនៅតែជួបប្រទះ តាមរយៈកិច្ចសន្ទនា ដោយបើកចំហ និងយោគយល់៕
