(ស្វាយរៀង)៖ ឯកឧត្តម យឹម ឆៃលី ឧបនាយករដ្ឋមន្រ្តី ប្រធានគណៈកម្មាធិការជាតិជំរុញចលនា ភូមិមួយផលិតផលមួយ នារសៀលថ្ងៃទី៩ ខែមេសា ឆ្នាំ២០២៣ បានអញ្ជើញចូលរួមក្នុងទិវាជាតិ លើកកម្ពស់ការប្រើប្រាស់ ផលិតផលខ្មែរ ៩ មេសា លើកទី៦ ឆ្នាំ២០២៣ ក្រោមប្រធានបទ «រួមគ្នាទិញផលិតផលខ្មែរ គឺរួមគ្នាបង្កើតការងារជូនពលរដ្ឋខ្មែរ» និងពិព័រណ៌ផលិតផលក្នុងស្រុក ភូមិមួយផលិតផលមួយ នៅខេត្តស្វាយរៀង។
ពិធីនេះមានការចូលរួមពីឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ឯកឧត្តម ម៉ែន វិបុល អភិបាលខេត្តស្វាយរៀង ឯកឧត្តម ឈួន ដារ៉ា រដ្ឋលេខាធិការក្រសួងពាណិជ្ជកម្ម តំណាង ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោក លោកស្រីគណៈប្រតិភូគណៈកម្មាធិការជាតិជំរុញចលនាភូមិ មួយផលិតផលមួយ តាមបណ្តាក្រសួង-ស្ថាប័នពាក់ព័ន្ធនិងលោក លោកស្រីអភិបាលរងខេត្ត លោក មេបញ្ជការកងកម្លាំងទាំងបី ប្រធានមន្ទីរ-អង្គភាពនានាជុំវិញខេត្ត លោកអភិបាលក្រុង ស្វាយរៀង អ្នកឧកញ៉ា លោកឧកញ៉ា លោក លោកស្រី បងប្អូនផលិតករ អាជីវករ សិប្បករ ពាណិជ្ជករ សិស្សានុ សិស្ស និងមន្រ្តីពាក់ព័ន្ធ ចំនួន៣៨០នាក់។
ឯកឧត្តម ម៉ែន វិបុល អភិបាលខេត្ត បានបញ្ជាក់ថា អនុវត្តតាមកម្មវិធីនយោបាយ និងយុទ្ធសាស្ត្រច តុកោណលើគ្រប់ដំណាក់កាល របស់រាជរដ្ឋាភិបាល ជាពិសេសតាមរយៈការដាក់ចេញនូវគោល នយោបាយដ៏ត្រឹមត្រូវរបស់សម្ដេចតេជោ នាយករដ្ឋមន្ត្រី ក្នុងការទាក់ទាញអ្នកវិនិយោគផ្ទាល់ពី បរទេស រួមនឹងសក្ដានុពលរបស់ខេត្ត ជាពិសេសមូលដ្ឋានគ្រឹះ នៃសុខសន្តិភាព បានធ្វើឲ្យខេត្ត ស្វាយរៀង ដែលធ្លាប់ជា អតីតតំបន់សមរភូមិទទួលរងគ្រោះយ៉ាងធ្ងន់ធ្ងរ ពីរបបប្រល័យ ពូជសាសន៍ ប៉ុលបានប្រែក្លាយយ៉ាងឆាប់រហ័សទៅជាខេត្តឧស្សាហកម្មមួយដ៏សំខាន់ ដែលរហូតមកដល់បច្ចុប្បន្ន នេះ នៅទូទាំងខេត្តមានតំបន់សេដ្ឋកិច្ចពិសេស ចំនួន១២កន្លែង កំពុងដំណើរការ ៩កន្លែង មានរោង ចក្រ សហគ្រាស ក្រុមហ៊ុន ឯកជន ចំនួន២៦៤កន្លែង និងមានសហគ្រាសធុនតូច ធុនមធ្យម និង សិប្បកម្ម សរុបរហូតដល់ ៣.៣២៨មូលដ្ឋាន បង្កើតការងារជូនប្រជាពលរដ្ឋបានប្រមាណ ១០ម៉ឺន នាក់ ដែលបានរួមចំណែកក្នុងការកាត់ បន្ថយការធ្វើចំណាកស្រុក ទៅរកការងារធ្វើនៅក្រៅខេត្ត និងបង្កើនប្រាក់ចំណូលលើកកម្ពស់ជីវភាពរស់នៅរបស់ប្រជាពលរដ្ឋឲ្យកាន់តែមានភាពប្រសើរឡើង។ ឧបនាយករដ្ឋមន្រ្តី បានថ្លែងថា រាជរដ្ឋាភិបាលបានចេញសេចក្តីជូនដំណឹងមួយដោយតម្រូវឲ្យ គណៈកម្មាធិការជាតិជំរុញចលនាភូមិ១ផលិតផល១ ដែលជាសេនាធិការជូនរាជរដ្ឋាភិបាល ត្រូវ សហការជាមួយនឹងក្រសួងស្ថាប័ន ពាក់ព័ន្ធទាំងអស់ ទាំងថ្នាក់ជាតិ និងថ្នាក់ក្រោមជាតិ រៀបចំទិវា ជាតិលើកកម្ពស់ការប្រើប្រាស់ផលិតផលខ្មែរជារៀងរាល់ឆ្នាំ នៅថ្ងៃទី៩ ខែមេសា រួមគ្នានឹងយុទ្ធនា ការនានាដែលបណ្តាក្រសួងស្ថាប័នពាក់ព័ន្ធបានរៀបចំ ដូចជា យុទ្ធនាការទិញផលិតផលខ្មែររបស់ ក្រសួងពាណិជ្ជកម្ម បុណ្យសមុទ្រ និងបុណ្យទន្លេ និងការរៀបចំពិព័រណ៍នានានៃផលិតផលក្នុង ស្រុកជាដើម។
ឯកឧត្តម បន្តថា ការខិតខំទាំងអស់នេះ គឺពិតជាសកម្មភាពមួយរស់រវើកចូលរួមចំណែកពង្រឹង និងពង្រីកការអភិវឌ្ឍសេដ្ឋកិច្ចកម្ពុជា ស្របតាមចក្ខុវិស័យរបស់រាជរដ្ឋាភិបាលធ្វើឲ្យកម្ពុជាសម្រេច បានជាប្រទេសមានចំណូលមធ្យមកម្រិត ខ្ពស់ នាឆ្នាំ២០៣០ និងជាប្រទេសមានចំណូលខ្ពស់នៅ ឆ្នាំ២០៥០។
ឯកឧត្តម បានបន្តថា ទន្ទឹមនេះការជ្រើសរើសយកខែមេសាជារៀងរាល់ឆ្នាំ សម្រាប់ប្រារព្ធទិវាជាតិ លើកកម្ពស់ការប្រើប្រាស់ផលិតផលខ្មែរ ក្នុងខែមេសា ពីព្រោះខែនេះជារដូវកាលដែលបងប្អូនប្រជា ជនយើងរីករាយ ក្នុងការរៀបចំបុណ្យ ចូលឆ្នាំ ប្រពៃណីជាតិរបស់យើង និងជាឱកាសជួបជុំញាតិមិត្ត បងប្អូន ឪពុកម្តាយ ជីដូនជីតា និងនាំគ្នាទៅវត្តប្រគេនចង្ហាន់ ទេយ្យទាន ទេយ្យវត្ថុ និងគ្រឿងឧប ភោគបរិភោគផ្សេងៗថ្វាយព្រះសង្ឃ និងម្ហូបអាហាររបស់របរប្រើប្រាស់ ហូបចុកនានាជូនទៅមាតា បិតា ជីដូន ជីតា បងប្អូនជាញាតិសន្តាននៅស្រុកកំណើតរបស់ខ្លួន ដែលនេះគឺជាប្រពៃណីបរម បុរាណរបស់ប្រជាជនយើង។
ឯកឧត្តម បានបន្ថែមថា ជាគោលដៅជម្រុញដល់ប្រជាជនយើង បានសប្បាយរីករាយក្នុងការដើរ ទស្សនាពិព័រណ៍ផលិតផលចម្រុះ ដ៏សម្បូរបែបរបស់បងប្អូនផលិតករខ្មែរដែលបានយកមកតាំង បង្ហាញ និងលក់ ហើយយើងនាំគ្នាទិញ ផលិតផលខ្មែរ សម្រាប់កម្មវិធីបុណ្យចូលឆ្នាំប្រពៃណីជាតិ យើង និងទិញជាទៀងទាត់សម្រាប់ការប្រើប្រាស់ប្រចាំថ្ងៃ សម្រាប់កម្មវិធីបុណ្យទានផ្សេងៗ និង កម្មវិធីនានាយ៉ាងច្រើនក្នុងមួយឆ្នាំៗ៕
