គណៈកម្មការថាមពលអឺរ៉ុប អំពាវនាវឱ្យទប់ស្កាត់កំណើននាំចូលឧស្ម័នធម្មជាតិ របស់រុស្ស៊ី

(ព្រុចសែល)៖  យោងតាមទីភ្នាក់ងារព័ត៌មាន Bloomberg បានបញ្ជាក់អោយដឹងថា​ស្នងការថាម ពលសហភាពអឺរ៉ុបលោកស្រី Kadri Simson បានអំពាវនាវឱ្យកាត់បន្ថយការនាំចូលឧស្ម័នធម្មជាតិ រាវ (LNG) របស់រុស្ស៊ីបន្ទាប់ពីការនាំចូលឥន្ធនៈប្រភេទនេះទៅកាន់ប្លុកអឺរ៉ុបបានកើនឡើងក្នុងរយៈ ពេលប្រាំពីរខែកន្លងមកនេះ។

លោកស្រី Simson ត្រូវបាន Bloomberg ដកស្រង់សម្ដីខណៈថ្លែងក្នុងសន្និសីទកាសែតមួយក្នុង ទីក្រុងវ៉ាសូវីកាលពីថ្ងៃព្រហស្បតិ៍ថា៖ «វា [ការនាំចូលឧស្ម័ន] អាចនឹងមានកម្រិតខ្ពស់ដូចទៅនឹង ឆ្នាំមុនដែរ ឬអាចខ្ពស់ជាងតិចតួច»។ លោកស្រីបន្ថែមថា៖ «យើងមិនអាចរីករាយនឹងរឿងនេះទេ»។

លោកស្រី Simson បានអំពាវនាវឱ្យរដ្ឋសមាជិករបស់សហភាពអឺរ៉ុប និងសភារបស់ប្លុកនេះរួម បញ្ចូលវិធាន «ដ៏រឹងមាំ» នានាទៅក្នុងបទប្បញ្ញត្តិដែលបានស្នើឡើង ដែលនឹងអនុញ្ញាតឱ្យរដ្ឋាភិបាល ថ្នាក់ជាតិដាក់កម្រិតលើការនាំចូលឧស្ម័នធម្មជាតិរបស់រុស្ស៊ី ដោយមិនចាំបាច់ដាក់ទណ្ឌកម្មថ្មី។ លោកស្រីបានថ្លែងថា កត្តានេះនឹងជួយសហភាពអឺរ៉ុបកាត់បន្ថយការនាំចូល «សន្សឹមៗបានទាំង ស្រុង»។

យោងតាមទិន្នន័យតាមដានកប៉ាល់ដឹកជញ្ជូនឧស្ម័នបានឱ្យដឹងថា លំហូរឧស្ម័នធម្មជាតិ LNG ពីប្រទេសរុស្ស៊ីភាគច្រើនបានធ្លាក់ចុះពីមួយឆ្នាំទៅមួយឆ្នាំចាប់តាំងពីខែមីនាមក ប៉ុន្តែនៅតែមាន កម្រិតខ្ពស់ជាងកម្រិតនៅឆ្នាំ២០២១។ការនាំចូលឧស្ម័នរបស់អឺរ៉ុបបានកើនឡើងដល់កម្រិតខ្ពស់បំផុតកាលពីឆ្នាំមុន។

សហភាពអឺរ៉ុបដែលមានប្រទេសចំនួន ២៧ មិនដែលពិភាក្សាជាផ្លូវការអំពីការដាក់ទណ្ឌកម្មទូទាំង សហភាពអឺរ៉ុបលើឧស្ម័នរុស្ស៊ី រួមទាំងឧស្ម័ន LNG នោះទេ ប៉ុន្តែរដ្ឋាភិបាលទីក្រុងព្រុចសែលបាន សម្លឹងមើលមធ្យោបាយសម្រាប់រដ្ឋសមាជិកនីមួយៗក្នុងការហាមឃាត់ឧស្ម័ន បន្ទាប់ពីមានការលុក លុយរបស់លោកប្រធានាធិបតី វ្ល៉ាឌីមៀ ពូទីន លើប្រេសអ៊ុយក្រែន។ នេះបើយោងតាមទីភ្នាក់ងារព័ត៌មាន Bloomberg៕