(អាថែន)៖ មន្រ្តីរដ្ឋាភិបាលក្រិកបានប្រាប់ Reuters ថាក្រុមប្រឹក្សាសន្តិសុខ KYSEA អនុញ្ញាតឱ្យមានការទិញនាវាចម្បាំង Belharra frigate ចំនួន ៤គ្រឿងពីបារាំង ដើម្បីធ្វើទំនើបកម្មកងកម្លាំងប្រដាប់អាវុធរបស់ខ្លួន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៨ ខែកញ្ញា ឆ្នាំ ២០២៥។
បន្ទាប់ពីធ្វើបទបង្ហាញដល់ KYSEA រដ្ឋមន្រ្តីការពារជាតិក្រិក លោក Nikos Dendias បាននិយាយកាលពីថ្ងៃពុធថា នាវាចម្បាំងថ្មីនេះនឹងមាននូវបំពាក់បាលីស្ទីគ។ ការបញ្ជាទិញ នឹងត្រូវអនុម័តដោយគណៈកម្មាធិការសភាជាតិ នៅប៉ុន្មានថ្ងៃខាងមុខ។
គួរបញ្ជាក់ថា ក្នុងឆ្នាំ ២០២១ ក្រិកឯកភាពឱ្យមានការទិញនាវាចម្បាំង Belharra ថ្មី ក្នុងតម្លៃប្រហែល ៣.៣ពាន់លានដុល្លារ ដើម្បីយកមកជំនួសនាវាចាស់ៗ ដែលធ្វើប្រតិបត្តិការអស់រយៈពេលជាង ៣០ឆ្នាំមកហើយ។ ក្រិច ក៏គ្រោងនឹងចំណាយថវិកាច្រើនជាង ២៩ពាន់លានដុល្លារសម្រាប់រយៈ ១០ឆ្នាំទៅមុខ នៅក្នុងគម្រោងការពារជាតិ ដែលរួមមានយន្តហោះចម្បាំង F-35 របស់សហរដ្ឋអាមេរិក នាវាមុជទឹកថ្មី និងដ្រូនស៊េរីទំនើបៗផងដែរ៕
