(ពោធិ៍សាត់)៖ រយៈពេល៣ថ្ងៃ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ពោលគិតចាប់ពីថ្ងៃទី០៤-០៦ ខែវិច្ឆិកា ឆ្នាំ២០២៥ នៅទូទាំងខេត្តពោធិ៍សាត់ មានភ្ញៀវទេសចរបានមកដើរលេងកម្សាន្ត តាមរមណីយដ្ឋាននានា ទាំង២៨មូលដ្ឋាន សរុបចំនួន៨៩,០៩៧នាក់ ក្នុងនោះទេសចរជាតិ មានចំនួន៨៩,០៤២នាក់ និងទេសចរបរទេស ចំនួន៥៥នាក់ បើប្រៀបធៀបឆ្នាំមុន (ឆ្នាំ២០២៤ មានភ្ញៀវទេសចរ ចំនួន៤៦,២៩១នាក់) កើនឡើង ចំនួន៩២.៤៧%។
នេះបើតាមរបាយការណ៍ស្ថិតិទេសចរ របស់មន្ទីរទេសចរណ៍ខេត្តពោធិ៍សាត់ ដែលទើបនឹងទទួលបាននាព្រឹកថ្ងៃទី០៧ ខែវិច្ឆិកា ឆ្នាំ២០២៥នេះ។
ប្រភពពីមន្ទីរជំនាញ បានឱ្យដឹងថា ភ្ញៀវទេសចរ តាមរមណីយដ្ឋាននានា ក្នុងខេត្តពោធិ៍សាត់ នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៥នេះ មានដូចខាងក្រោម៖
*ថ្ងៃទី០៤ ខែវិច្ឆិកា ឆ្នាំ២០២៥ ទេសចរជាតិ មានចំនួន៧,១៨៥នាក់ និងទេសចរបរទេស ចំនួន០៧នាក់
*ថ្ងៃទី០៥ ខែវិច្ឆិកា ឆ្នាំ២០២៥ ទេសចរជាតិ មានចំនួន៧១,៩៨៥នាក់ និងទេសចរបរទេស ចំនួន៣៧នាក់
*ថ្ងៃទី០៦ ខែវិច្ឆិកា ឆ្នាំ២០២៥ ទេសចរជាតិ មានចំនួន៩,៨៧២នាក់ និងទេសចរបរទេស ចំនួន១១នាក់។
ប្រភពបន្តថា សរុបតួលេខរយៈពេល០៣ថ្ងៃ ភ្ញៀវទេសចរ សរុបចំនួន៨៩,០៩៧នាក់ ក្នុងនោះទេសចរជាតិ មានចំនួន៨៩,០៤២នាក់ និងទេសចរបរទេស ចំនួន៥៥នាក់។ បេីប្រៀបធៀបនឹងរយៈពេល០៣ថ្ងៃដូចគ្នា ភ្ញៀវទេសចរមានការកេីនឡេីង ចំនួន៩២.៤៧% (ទេសចរឆ្នាំមុន មានចំនួន៤៦,២៩១នាក់)៕
