ឃុំថ្មស ៖ នៅព្រឹកថ្ងៃសៅរ៍ ទី២១ ខែវិច្ឆិកា ឆ្នាំ២០២៦ នេះ សាខាគណបក្សប្រជាជនឃុំថ្មស បានរៀបចំពិធីបោះឆ្នោតស្ទាបស្ទង់មតិបេក្ខជន សម្រាប់ត្រៀមឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅក្នុងឃុំថ្មស ក្រោមបរិយាកាសរលូន តម្លាភាព និងគោរពតាមគោលការណ៍ផ្ទៃក្នុង។
យោងតាមរបាយការណ៍ក្នុងពិធីនេះ៖
បេក្ខភាពឈរឈ្មោះសរុប សម្រាប់អាណត្តិទី៦ ឆ្នាំ២០២៧ មានចំនួន ៣២ រូប។
អ្នកចូលរួមដែលបានកំណត់/គ្រោងទុក មានចំនួន ៩៣ នាក់។
អ្នកដែលបានចូលរួមបោះឆ្នោតជាក់ស្តែង/ពិតប្រាកដ មានចំនួន ៨៥ នាក់។
ការរៀបចំការបោះឆ្នោតស្ទាបស្ទង់មតិនេះ គឺជាការអនុវត្តយន្តការប្រជាធិបតេយ្យផ្ទៃក្នុង និងឆ្លុះបញ្ចាំងពីការគោរពគោលការណ៍នីតិរដ្ឋ តាមរយៈការផ្តល់ឱកាសឱ្យសមាជិក-សមាជិកា និងអ្នកពាក់ព័ន្ធចូលរួមបញ្ចេញមតិ និងជ្រើសរើសដោយសេរី ត្រឹមត្រូវ និងយុត្តិធម៌ ដើម្បីស្វែងរកបេក្ខជនដែលមានសមត្ថភាព ភាពស្មោះត្រង់ និងឆន្ទៈបម្រើប្រជាពលរដ្ឋនៅមូលដ្ឋានឱ្យកាន់តែមានប្រសិទ្ធភាពសម្រាប់អាណត្តិខាងមុខ។
តាមរយៈដំណើរការបោះឆ្នោតស្ទាបស្ទង់មតិនេះ សាខាគណបក្សប្រជាជនឃុំថ្មស អាចវាយតម្លៃបាននូវទំនុកចិត្ត និងការគាំទ្រចំពោះបេក្ខភាពនីមួយៗ ជាមូលដ្ឋានក្នុងការរៀបចំបញ្ជីបេក្ខជនឈរឈ្មោះឱ្យបានសមស្រប ឆ្លើយតបនឹងតម្រូវការរបស់សហគមន៍ និងរក្សាបាននូវស្ថិរភាព ក៏ដូចជាការអភិវឌ្ឍនៅឃុំថ្មស៕ដោយ កៅ វង



















































