បរិយាកាសដ៏រីករាយ និងពោរពេញដោយសិរីមង្គល ក្នុងពិធីពិសាភោជនាហារអាពាហ៍ពិពាហ៍ នៅរោងការពិភពមង្គល អគារ A ក្រុងព្រះសីហនុ

ខេត្តព្រះសីហនុ៖ក្នុងបរិយាកាសដ៏ស្និទ្ធស្នាល រីករាយ និងពោរពេញដោយភាពកក់ក្តៅ ពិធីជប់លៀងពិសាភោជនាហារអាពាហ៍ពិពាហ៍របស់គូស្វាមីភរិយាថ្មី ត្រូវបានប្រារព្ធឡើងយ៉ាងអធិកអធម នៅ រោងការពិភពមង្គល អគារ Aដែលមានទីតាំងស្ថិតនៅក្នុង សង្កាត់លេខ ៣ ក្រុងព្រះសីហនុ ខេត្តព្រះសីហនុ នៅថ្ងៃទី១៩ ខែវិឆ្ឆិកា ឆ្នាំ២០២៦។

ក្នុងពិធីដ៏មហោឡារិកនេះ មានការអញ្ជើញចូលរួមជាកិត្តិយសពីសំណាក់ ឯកឧត្តមលោកជំទាវ លោក លោកស្រី ថ្នាក់ដឹកនាំនិងញាតិមិត្ត ព្រមទាំងក្រុមគ្រួសារសងខាង បងប្អូនញាតិមិត្តជិតឆ្ងាយ និងភ្ញៀវកិត្តិយសយ៉ាងច្រើនកុះករ ដែលបានអញ្ជើញមកចូលរួមអបអរសាទរ និងផ្តល់ជាកិត្តិយសដល់ចំណងអាពាហ៍ពិពាហ៍ដ៏ត្រជាក់ត្រជុំនេះ។
តាមរយៈកម្រងរូបភាពនៃកម្មវិធី បានបង្ហាញឱ្យឃើញពីស្នាមញញឹម ភាពស្និទ្ធស្នាល និងការជួបជុំគ្នាប្រកបដោយមនោសញ្ចេតនាជ្រាលជ្រៅ រវាងក្រុមគ្រួសារទាំងសងខាង និងភ្ញៀវចូលរួម ក្រោមការរៀបចំតុបតែងដ៏ស្រស់ស្អាត និងសេវាកម្មបដិសណ្ឋារកិច្ចយ៉ាងកក់ក្តៅនៅទីតាំងរោងការពិភពមង្គល អគារ A។
ក្នុងឱកាសដ៏ឧត្តុង្គឧត្តម និងប្រពៃថ្លៃថ្លានេះ សូមប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរ ជូនចំពោះគូស្វាមីភរិយាថ្មី សូមស្រឡាញ់គ្នាស្មោះស្ម័គ្រ យល់ចិត្តគ្នាទៅវិញទៅមក រួមរស់ជាមួយគ្នាប្រកបដោយសុភមង្គល ត្រជាក់ត្រជុំដូចទឹកអម្រឹត ចាប់ដៃគ្នាកសាងគ្រួសារមួយដ៏រឹងមាំ និងរីកចម្រើនរុងរឿងជានិច្ចនិរន្តរ៍តរៀងទៅ ព្រមទាំងសូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕